SANA'Y UMULAN

Sana’y umulan
Upang maitago ang luha
Sana’y umulan upang hindi ako makita
Sana’y umulan, malakas, marubdob
Katulad ng pag ibig na ngayo’y tumitiklop
Sana’y umulan upang sa bahay ako manatili
Sandaling malilimot ang bawat sandali
Sana’y umulan, humangin ng malakas
Upang ang bawat salita ay hindi ko mabigkas
Sana’y umulan upang ako’y makatulog
At sana pag gising ko sana’y kumulog
Upang di ko marinig ang himpapawid
Kung saan ka unti unti nang tumatawid

Sana’y umulan, malakas,bumuhos
Upang hindi ko madama ang sakit ng pag-irog
Sana’y umulan upang hindi ko mamasdan
Ang pagkaway mong kahulugan ay paalam
Hangin sana’y lumakas upang hindi ko madinig
Bawat pag hikbi mong kay sakit.

Sana’y umulan, humangin, kumulog
Hanggang mabingi ako at makatulog
Pagkat di ko mamapipigil ang mundo
..sa pag inog
Di ko na mahahadlangan ang kagyat mong pag lisan.